Daar is duisende voetspoortjies wat jaarliks getrap word in Banieland – die land van geleenthede. Elke avonturier (kind) stap ‘n paadjie soos ‘n ware “Baanbreker” om hul horisonne te verbreed op ‘n ontdekkingstog op soek na hul plekkie in die son. Dis ‘n paadjie wat elke kind vir homself moet stap. Ons as personeel en u as ouer, is bloot gidse wat die weg aandui – wat bakens stel wat bereik moet word. Elke mens stel sy eie grense van wat bereik wil of kan word.
Langs die pad word by verskeie “besoekpunte” aangedoen – fonteine waaruit gedrink kan word om die drang na kennis en ervaring te bevredig en padkos te vergader vir die lewenspad wat bewandel moet word. By een fontein word kennis opgedoen (akademie); ‘n ander ontwikkel die liggaam (sport); party verkwik die siel (kultuur en godsdiens) en nog een verbly die hart (pret). Dit alles word “padkos” vir die lewe. Daar word geleer om die “spore” te herken – te weet wat reg en wat verkeerd is, sodat die kind ‘n verantwoordelike volwassene kan word wat ‘n positiewe bydra tot die trop maak.
Ons gidse is bekwaam en weet watter paadjies om te volg, kan die sterre lees en ken hulle Kompas. Nou moet die nuwe avonturiers hul merk kom maak en elke geleentheid verken. Met u as ouer se bydrae en ons as personeel se insette, sien ons uit daarna om ‘n “Baanbreker” te maak van u kind, met hul voete stewig op die aarde, maar hul koppe in die wolke. Mag ons almal dit as ‘n wonderlike ervaring beleef!
Onthou die volgende....
“A journey of a thousand miles starts with the first step”
“Where there is faith in the future, there is power in the present”
Sterkte!TW Hoffmann
Hoof
Die skoolbestuur:
Hoof
Adjunkhoof
Dept.hoof Opv. Leiding
Dept.hoof Intersen-fase
Dept.hoof Grondleggingsfase
Personeelverteenwoordiger
Beheerliggaam Ouerlede:
Monty Erasmus
Mike van der Merwe
B/L voorsitter
F/K voorsitter
082 821 6291
082 378 3594
Etienne Ferreira
Callie Prinsloo
Wetlike Aspekte
Hulpbronne
082 895 1155
083 701 9355
LAERSKOOL BAANBREKER
VISIE:
Pioniers vir voortreflike onderrig en opvoeding !
MISSIE:
Om binne die raamwerk van die Christelike lewensbeskouing, norme en waardes, die volgende na te streef:
Die behoud en bevordering van die Afrikaanse Etos van die skool.
Deur die onderrig en leerhandeling so uitnemend aan te bied, dat dit sal lei tot die bereiking van die maksimum potensiaal van elke rolspeler op alle gebiede.
Die skool doeltreffend te bestuur en bedryf, tot voordeel van die hele gemeenskap.
Om by wyse van doelgerigte skakeling en aktiewe ouerbetrokkenheid, vennootskap tussen gemeenskap, ouerhuis en skool te bevorder.
Stimulering en implimentering van innoverende en kreatiewe denkwyses, ter bevordering van lewenslange leer.
Die daarstelling van ‘n gelukkige kind, ouer en onderwyser deur ‘n akkomoderende, lojale en professionele benadering wat spreek van toewyding en wedersydse respek.
Om al die bogenoemde binne die raamwerk van gebalanseerde opvoeding aan te bied.
